Tag Archives: Economy
ភ្នំពេញ៖ មន្ត្រីជាន់ខ្ពស់របស់ធនាគារជាតិនៃកម្ពុជាមួយរូបបានអះអាងថា គិតត្រឹមឆមាសទី១ ឆ្នាំ២០១០នេះ ឥណទានផ្ដល់ដោយគ្រឹះស្ថានមីក្រូហិរញ្ញវត្ថុ មានទឹកប្រាក់សរុបប្រមាណជិត ១.៤០០ពាន់លានរៀល (ប្រហែល៣៣០លានដុល្លារអាមេរិក) ដោយបានផ្ដល់ដល់អតិថិជនចំនួន ៨៨៩.១៣៦នាក់ ពោលគឺកើនឡើងចំនួន២៧ភាគរយ និង៨ភាគរយ រៀងគ្នាធៀបនឹងដំណាច់ឆ្នាំឆមាសទី១ ឆ្នាំ២០០៩។ លោកស្រី នាវ ច័ន្ទថាណា ទេសាភិបាលរងនៃធនាគារជាតិនៃកម្ពុជាបានមានប្រសាសន៍ថានៅក្នុង វេទិកាជាតិសម្រាប់អភិវឌ្ឍន៍វិស័យមីក្រូហិរញ្ញវត្ថុកាលពីថ្ងៃទី៦ ខែកញ្ញា នៅសណ្ឋាគារកាំបូឌីយ៉ាណាថា ក្រៅពីឥណទានផ្ដល់ដោយគ្រឹះស្ថានមីក្រូហិរញ្ញវត្ថុ ក៏មានប្រាក់បញ្ញើសរុបមានចំនួន៨៦ពាន់លានរៀល (ប្រហែលជា២១លានដុល្លារអាមេរិក)ដែរ ដែលទទួលបានពីអតិថិជនចំនួន ១១៧.៧៨១នាក់គឺកើនឡើង ២៣៦ភាគរយ និង ១០.៥ភាគរយរៀងគ្នា។ លោកស្រីបន្តថា គិតមកត្រឹមឆមាសទី១ឆ្នាំ២០១០ វិស័យមីក្រូហិរញ្ញវត្ថុមានអាជ្ញាប័ណ្ណចំនួន២១ក្នុងនោះគ្រឹះស្ថាន មីក្រូហិរញ្ញវត្ថុទទួលប្រាក់បញ្ញើពីអតិថិជនចំនួន៤ និងប្រតិបត្តិករឥណទានជនបទ ដែលបានចុះបញ្ជីនៅធនាគារជាតិនៃកម្ពុជាចំនួន២៧។ បន្ថែមលើនេះចំនួនគ្រឹះស្ថានមីក្រូហិរញ្ញវត្ថុ នៅថ្នាក់ឃុំមានចំនួនរហូតដល់ ៨.១២១ការិយាល័យ។ លោកស្រីបានបន្ថែមថា រីឯចំនួនស្ត្រីដែលទទួលបានសេវាប្រាក់កម្ចីមីក្រូហិរញ្ញវត្ថុមាន ចំនួន៧២១.៧២៥នាក់ពោលគឺប្រមាណ៨១ភាគរយ នៃចំនួនអ្នកខ្ចីប្រាក់សរុប។ លោកស្រី ច័ន្ទថាណា បានឲ្យដឹងទៀតថា អតិថិជនរបស់គ្រឹះស្ថានមីក្រូហិរញ្ញវត្ថុមិនត្រឹមតែទទួលបានផល ប្រយោជន៍តែខ្លួនឯងនោះប៉ុណ្ណោះទេ ផលប្រយោជន៍ជាវិជ្ជមាននេះក៏ផ្ដល់ដល់សមាជិកគ្រួសារ តាមរយៈការបង្កើតឲ្យមានការគាំពារលើម្ហូបអាហារសុខភាពការសិក្សា និងការចូលរួមក្នុងពិធីសង្គមរបស់ប្រជាជននៅតាមតំបន់ជនបទ។ លទ្ធផលនៃការទទួលបានសេវាមីក្រូហិរញ្ញវត្ថុដោយផ្ទាល់របស់ប្រជាជន ក្រីក្រនេះហើយ បានធ្វើឲ្យវិស័យមីក្រូហិរញ្ញវត្ថុនៅកម្ពុជារក្សាបានតួនាទីដ៏ ចាំបាច់របស់ខ្លួនក្នុងការកាត់បន្ថយភាពក្រីក្រ។ លោកស្រីបានបន្តថា [...]
បន្ទាប់ពីបានទទួលស្គាល់ ជាផលិតផលសម្គាល់ទីតាំងភូមិសាស្ត្រ GI រួចមក ម្រេចកំពត ត្រូវបានលក់អស់ពីស្ដុកនៅកម្ពុជាក្នុងរយៈពេលប៉ុន្មានខែនេះ។ នេះបើតាមមន្ត្រីរបស់ក្រសួងពាណិជ្ជកម្ម។ លោក ងួន ឡាយ ប្រធានសមាគមកសិករម្រេចកំពត (KPFA) បានឲ្យដឹងថា មុនពេលត្រូវចាត់ចូលជាផលិតផលសម្គាល់ទីតាំងភូមិសាស្ត្រ (GI) ដោយក្រសួងពាណិជ្ជកម្មកាលពីខែមីនា ផលិតផលនេះមិនធ្លាប់លក់អស់ពីស្ដុកឆាប់រហ័សដូច្នោះឡើយ៖ “នៅពេលដែលយើងទទួលបានGI មានការបញ្ជាទិញជាច្រើន ក្នុងកំឡុងពេលនេះ។ យើងបានលក់ផលិតផលរបស់យើងអស់ពីស្ដុកក្នុងរយៈពេលខ្លីប៉ុណ្ណោះ”។ GI ជាស្តង់ដារដែលមានការទទួលស្គាល់ជាលក្ខណៈអន្តរជាតិ ដើម្បីការពារកម្មសិទ្ធិបញ្ញារបស់ផលិតផលដែលមានទំនាក់ទំនងទៅនឹង តំបន់ទីតាំងភូមិសាស្ត្រ។ ស្ថានភាពស្រដៀងគ្នានេះ ក៏បានផ្ដល់ដល់ស្រា Champagne នៅក្នុងប្រទេសបារាំងផងដែរ។ រហូតដល់ពេលដែលម្រេចកំពតទទួលបាន GI ជាផ្លូវការ កាលពីខែមីនា ម្រេចកំពតមានប្រជាប្រិយភាពយ៉ាងខ្លាំង ជាហេតុធ្វើឲ្យតម្លៃម្រេចនៅតំបន់នេះ ក៏ឡើងថ្លៃផងដែរ កាលពីចុងខែមករា។ លោក ឡៅ រាសី ប្រធានការិយាល័យ GI របស់ក្រសួងពាណិជ្ជកម្ម បានឲ្យដឹងថា ការងារ និងប្រាក់ដែលចំណាយ ដើម្បីទទួលបាន GI សម្គាល់ផលិតផលនេះ ពិតជាមានតម្លៃខ្លាំងណាស់ ហើយវាក៏ផ្ដល់នូវអត្ថប្រយោជន៍ដល់កសិករដាំម្រេចផងដែរ៖ “ខ្ញុំគិតថា អត្ថប្រយោជន៍ដោយផ្ទាល់ បានទៅលើកសិករដោយសារកសិករសប្បាយរីករាយនឹងតម្លៃកើនឡើង និងការបន្ថែមតម្លៃលើផលិតផល [...]
កាលពីថ្ងៃម្សិលមិញ អ្នកជំនាញនៅសិក្ខាសាលាសេដ្ឋកិច្ចដែលមានការចូលរួមពីមន្ត្រីជាន់ ខ្ពស់ក្នុងជួររដ្ឋាភិបាល បានឲ្យដឹងថា កម្ពុជា អាចសម្រិតសម្រាំងថែមទៀតក្នុងការជ្រើសរើសការវិនិយោគផ្ទាល់ពីបរទេស (FDI) ប៉ុន្តែវិស័យផលិតកម្មរបស់កម្ពុជាត្រៀមទទួលបានអត្ថប្រយោជន៍ពីការ កើនឡើងកម្រៃពលកម្មនៅប្រទេសចិន។ លោក គាត ឈន់ រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ រួមទាំងមន្ត្រីមកពីធនាគារជាតិនៃកម្ពុជានឹងអ្នកជំនាញ សេដ្ឋកិច្ចបានចូលរួមនៅក្នុងសិក្ខាសាលាស្ដីពីម៉ាក្រូសេដ្ឋកិច្ច ដែលរៀបចំឡើងដោយគណៈកម្មការសេដ្ឋកិច្ច និងសង្គមកិច្ចរបស់អង្គការសហប្រជាជាតិប្រចាំតំបន់អាស៊ីប៉ាស៊ីហ្វិក (UNESCAP) នៅទីក្រុងភ្នំពេញ។ ក្នុងអំឡុងបទបង្ហាញនៅក្នុងសិក្ខាសាលានោះអ្នកស្រី ដូ ហុងហាញ់ (Do Hong Hanh) តំណាងមកពីវិទ្យាស្ថានលទ្ធភាពប្រកួតប្រជែងអាស៊ីប្រចាំនៅវៀតណាម បានលើកឡើងថា «រដ្ឋាភិបាល[កម្ពុជា] ចាំបាច់ត្រូវសម្លឹងមើលទៅលើប្រភេទអាជីវកម្មណាដែលប្រទេសរបស់ខ្លួន ចង់បាន ហើយត្រូវវិនិយោគទាក់ទងនឹងអាជីវកម្មនោះ»។ ដោយចាត់ទុកផលិតភាពនៃកម្លាំងពលកម្មជាគន្លឹះសម្រាប់សម្របសម្រួល ពាណិជ្ជកម្ម អ្នកស្រី ដូ ហុងហាញ់ បានបញ្ជាក់ថា ការសម្រិតសម្រាំងក្នុងការជ្រើសប្រភេទវិនិយោគផ្ទាល់ពីបរទេសអាច ជួយកម្ពុជា បង្កើនលទ្ធភាពប្រកួតប្រជែងពាណិជ្ជកម្ម។ អ្នកស្រី បានលើកឡើងថា «មិនសំខាន់ទេថា តើចំនួន [វិនិយោគផ្ទាល់ពីបរទេស] មានចំនួនប៉ុន្មានទេ ប៉ុន្តែសំខាន់គឺថា តើការវិនិយោគផ្ទាល់ពីបរទេសប្រភេទអ្វីហើយជះឥទ្ធិពលមកលើ [ផលិតភាព] ប៉ុនណាដែរ»។ អ្នកស្រី បានផ្ដល់យោបល់ថា មេដឹកនាំរបស់កម្ពុជា គួរផ្លាស់ប្ដូរពីវិធីសាស្ត្រផ្ដោតលើការធ្វើពាណិជ្ជកម្មតាមបែប [...]
ពាណិជ្ជកម្មរវាងកម្ពុជា និងហុងកុងបានកើនឡើង ៨,៦ភាគរយក្នុងរយៈពេល៤ខែដំបូងនៃឆ្នាំ២០១០ បើប្រៀបធៀបទៅនឹងរយៈពេលដូចគ្នា កាលពីឆ្នាំមុន។ នេះបើយោងតាមតួលេខទទួលបានពីក្រុមប្រឹក្សាអភិវឌ្ឍន៍ពាណិជ្ជកម្ម ហុងកុង (HKDTC) កាលពីថ្ងៃចន្ទម្សិលមិញ។ ពាណិជ្ជកម្មទ្វេភាគីរវាងហុងកុង-កម្ពុជាបានកើនឡើងពី ១៥៩ លានដុល្លារអាមេរិក កាលពីឆ្នាំ២០០៩ ដល់ ១៧៣លានដុល្លារអាមេរិក ក្នុងរយៈពេល៤ខែដំបូងក្នុងឆ្នាំនេះ។ ចាប់ពីដើមឆ្នាំ២០១០ រហូតដល់ខែមេសា ការនាំចេញទំនិញពីហុងកុងមកកម្ពុជាបានកើនឡើង ៨,៦ ភាគរយ ពោលគឺពី ១៥៤,៧លានដុល្លារអាមេរិក រហូតដល់ ១៦៨ លានដុល្លារអាមេរិក។ រីឯទឹកប្រាក់នៅសល់ប្រហែល ៥លានដុល្លារទៀតគឺជាការនាំចេញតាមរយៈមធ្យោបាយផ្សេងៗទៀត ដែលបានកើនឡើង ៧,៨ភាគរយច្រើនជាងឆ្នាំមុន។ លោក ងួន ម៉េងតិច អគ្គនាយកសភាពាណិជ្ជកម្មកម្ពុជា(CCC) បានឲ្យដឹងថា កំណើននេះ បានមកពីការរីកចម្រើននៃសេដ្ឋកិច្ចពិភពលោក។ លោកបានលើកឡើងថា៖ “ពាណិជ្ជកម្មរបស់យើងជាមួយហុងកុងមិនប្រឈមនឹងបញ្ហាឡើយ ដោយសារវិនិយោគិនទាំងនោះ ភាគច្រើនកំពុងធ្វើពាណិជ្ជកម្មលើរោងចក្រកាត់ដេរ ដើម្បីនាំចេញទៅកាន់ទីផ្សារអន្តរជាតិ”។ លោក សុខ សុភ័ក្ត្រ អគ្គនាយកនៃនាយកដ្ឋានពាណិជ្ជកម្មបរទេស នៃក្រសួងពាណិជ្ជកម្មមិនអាចទាក់ទងការបំភ្លឺបានឡើយ កាលពីថ្ងៃចន្ទ។ ប៉ុន្តែ លោក សុខ សុភ័ក្ត្រ បានបញ្ជាក់កាលពីខែមុនថាពាណិជ្ជកម្មទ្វេភាគីរវាងកម្ពុជា និងហុងកុង កំពុងរីកចម្រើនច្រើនជាងឆ្នាំមុន។ [...]
ក្រុមហ៊ុនមកពីប្រទេសចំនួន៤នៅក្នុងតំបន់អាស៊ីបានស្នើធ្វើការ វិនិយោគលើដំណាំកសិ-ឧស្សាហកម្មក្នុងប្រទេសកម្ពុជានៅឆ្នាំនេះ ក្នុងទំហំទឹកប្រាក់ជាច្រើនរយលានដុល្លារ។ លោក ឌុយ ធៅ អគ្គលេខាធិការរងក្រុមប្រឹក្សាអភិវឌ្ឍន៍កម្ពុជា CDC បានប្រាប់ភ្នំពេញប៉ុស្ដិ៍កាលពីថ្ងៃពុធថា ក្រុមហ៊ុនមកពី ប្រទេសចិន វៀតណាម ម៉ាឡេស៊ី និងសិង្ហបុរី បានស្នើធ្វើការវិនិយោគ ក្នុងទឹកប្រាក់សរុប២៣៤លានដុល្លារដើម្បីដាំកៅស៊ូ ដូងប្រេង និងអំពៅនៅក្នុងខេត្តកំពង់ស្ពឺ ក្រចេះ និងមណ្ឌលគីរី។ លោកបញ្ជាក់ថា «យើងសង្ឃឹមថា នៅក្រោមការវិនិយោគនេះវិស័យកសិ-ឧស្សាហកម្មរបស់ប្រទេសកម្ពុជានឹង មានការអភិវឌ្ឍយ៉ាងលឿនទៅរកភាពរីកចម្រើនដោយផ្ដល់នូវការងារធ្វើ សម្រាប់ប្រជាជនហើយនិងប្រាក់ចំណូលសម្រាប់សេដ្ឋកិច្ចជាតិ»។ កាលពីថ្ងៃអង្គារសំណើវិនិយោគខាងលើត្រូវបានក្រុមប្រឹក្សា អភិវឌ្ឍន៍កម្ពុជា អនុម័តរួចហើយគឺរង់ចាំតែការសម្រេចចុងក្រោយពីនាយករដ្ឋមន្ត្រី ហ៊ុន សែន ប៉ុណ្ណោះ។ លោក ឌុយ ធៅ ថ្លែងថា ក្រុមប្រឹក្សាអភិវឌ្ឍន៍កម្ពុជាសង្ឃឹមថា នាយករដ្ឋមន្ត្រីនឹងសម្រេចយល់ព្រមទៅលើគម្រោងស្នើសុំខាងលើក្នុង ពេលឆាប់ៗនេះ។ ការអភិវឌ្ឍន៍វិស័យកសិ-ឧស្សាហកម្មជាអត្ថិភាពចម្បងរបស់រដ្ឋាភិបាល កម្ពុជា។ តាមក្រុមប្រឹក្សាអភិវឌ្ឍន៍កម្ពុជា ប្រទេសទាំង៤ បានគម្រោងចំនួន៦ក្នុងនោះមានចិនមានពីរគម្រោងលើការដាំអំពៅ នៅខេត្តកំពង់ស្ពឺដែលមានទឹកប្រាក់សរុប ១៤២លានដុល្លារ និង២គម្រោងមកពីប្រទេសវៀតណាមទាក់ទងនឹងការដាំកៅស៊ូ និងការសាងសង់រោងចក្រកែច្នៃជ័រកៅស៊ូនៅខេត្តក្រចេះដែលមាន ទឹកប្រាក់សរុប៣៦លានដុល្លារអាមេរិក។ ប្រទេសម៉ាឡេស៊ីបានស្នើសុំ១គម្រោងលើការដាំដូងប្រេងនៅខេត្ត កំពង់ស្ពឺ ក្នុងទឹកប្រាក់សរុប២៦លានដុល្លារហើយសិង្ហបុរី និងម៉ាឡេស៊ីស្នើដដែលសុំរួមគ្នា១គម្រោងទាក់ទងការដាំកៅស៊ូនៅ ខេត្តមណ្ឌលគីរីមានទឹកប្រាក់៣០លានដុល្លារ។ លោក ច័ន្ទ [...]
ភ្នំពេញ: មន្ត្រីរាជរដ្ឋាភិបាលជាច្រើនរូបនឹងរៀបចំពិធីបញ្ចុះបឋមសិលា សម្រាប់គម្រោងសាងសង់ អភិវឌ្ឍន៍តំបន់សេដ្ឋកិច្ចពិសេសរបស់កំពង់ផែស្វយ័តក្រុងព្រះសីហនុ នៅថ្ងៃអាទិត្យ ទី០២ ខែឧសភា ឆ្នាំ២០១០ វេលាម៉ោង៨ព្រឹក។ នៅក្នុងពិធីនេះ ដែលរៀបចំឡើងនៅទីលានចំណតផែកុងតឺន័រថ្មីរបស់កំពង់ផែស្វយ័តក្រុង ព្រះសីហនុនឹងមានការចូលរួមជាអធិបតីភាពរបស់លោកឧបនាយករដ្ឋមន្ត្រី គាត ឈន់ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ជាតំណាងដ៏ខ្ពង់ខ្ពស់របស់សម្ដេចតេជោ ហ៊ុន សែន។ សូមជម្រាបថា គម្រោងអភិវឌ្ឍន៍តំបន់សេដ្ឋកិច្ចពិសេសរបស់កំពង់ផែស្វយ័តក្រុង ព្រះសីហនុ នឹងត្រូវបានធ្វើឡើងខាងលើនេះ បន្ទាប់ពីសម្ដេចតេជោ ហ៊ុន សែន បានជំរុញឲ្យមន្ត្រីដែលពាក់ព័ន្ធកែប្រែមុខមាត់ថ្មីរបស់កំពង់ផែ ខាងលើ ពោលគឺធ្វើយ៉ាងណាឲ្យកំពង់ផែមួយនេះអាចផ្ទុកកប៉ាល់ធំៗបាន ដោយមិនចាំបាច់ផ្ទេរទំនិញតាមកប៉ាល់តូចៗបានចុះចតនៅកំពង់ផែ ប្រទេសទី៣ឡើយ។ យោងតាមសេចក្ដីប្រកាសព័ត៌មានរបស់ទីភ្នាក់ងារសហប្រតិបត្តិការ អន្តរជាតិនៃប្រទេសជប៉ុន ហៅកាត់ថា JICA បានឲ្យដឹងនៅថ្ងៃព្រហស្បតិ៍នេះថា គម្រោងអភិវឌ្ឍន៍តំបន់សេដ្ឋកិច្ចពិសេសរបស់កំពង់ផែស្វយ័តក្រុង ព្រះសីហនុ កំពុងតែត្រូវបានដំណើរការក្រោមកម្ចីសម្បទានរបស់រដ្ឋាភិបាលជប៉ុន ដែលមានទឹកប្រាក់សរុបជាង ៣៦៥១លានយ៉េន ប្រមាណជាង ៤០លានដុល្លារសហរដ្ឋអាមេរិក។ គម្រោងអភិវឌ្ឍន៍នេះ នឹងសម្រួលដល់ការវិនិយោគផ្ទាល់ពីខាងក្រៅនៅតំបន់មាត់សមុទ្រមួយ នេះ ជាពិសេសនឹងបង្កើតនូវឱកាសការងារថ្មីៗជាច្រើន សម្រាប់ប្រជាជនដែលនឹងរួមចំណែកយ៉ាងសំខាន់ដល់ការលូតលាស់សេដ្ឋកិច្ច របស់កម្ពុជា។ គម្រោងសាងសង់នេះនឹងត្រូវបញ្ចប់នៅខែកញ្ញា ឆ្នាំ២០១១ខាងមុខនេះ។ គួរបញ្ជាក់ថា នៅក្នុងការជួបជុំគ្នារវាងរាជរដ្ឋាភិបាល និងវិស័យឯកជន កាលពីព្រឹកថ្ងៃអង្គារ [...]
ខណៈដែលសមាជិករបស់មូលនិធិរូបិយវត្ថុអន្តរជាតិ (IMF) និងធនាគារពិភពលោក (WB) បើកកិច្ចប្រជុំនិទាឃរដូវរបស់ខ្លួន នៅក្នុងទីក្រុងវ៉ាស៊ីនតោនប្រធានបេសកកម្ម IMF ប្រចាំនៅកម្ពុជា លោក David Cowen បានចំណាយពេលវេលាជជែកជាមួយអ្នកយកព័ត៌មានរបស់កាសែតភ្នំពេញ ប៉ុស្តិ៍ នៅទីក្រុងវ៉ាស៊ីនតោន ស្ដីពីការអភិវឌ្ឍសេដ្ឋកិច្ចនៅក្នុងប្រទេសកម្ពុជា។ ខាងក្រោមនេះ ជាការចោទសួរ និងការបកស្រាយរបស់លោក David Cowen។ ការធ្លាក់ចុះសេដ្ឋកិច្ចសកល ត្រូវបានគេស្ដីបន្ទោសដោយសារការធ្លាក់ចុះការវិនិយោគផ្ទាល់ពី បរទេស (FDI) ចំនួន ៣៥,២ភាគរយកាលពីឆ្នាំទៅ ដែលធ្លាក់ចុះក្នុងទំហំទឹកប្រាក់ពី ៧៩៤,៧លានដុល្លារអាមេរិកក្នុងឆ្នាំ២០០៨ មកនៅត្រឹម ៥១៤,៧លានដុល្លារអាមេរិកក្នុងឆ្នាំ២០០៩។ តើការព្យាកររបស់លោកចំពោះ FDI របស់កម្ពុជានៅឆ្នាំនេះយ៉ាងដូចម្ដេចដែរ? យើងរំពឹងថា FDI នឹងងើបឡើងវិញក្នុងប្រទេសជាច្រើននៃអាស៊ីនៅឆ្នាំ២០១០ ខណៈពេលសេដ្ឋកិច្ចសកលស្ទុះងើប។ ដោយមានការរំពឹងទុកថា FDI នឹងកើនឡើង ៤៥,៧ភាគរយ ប្រទេសកម្ពុជាគួរទទួលអត្ថប្រយោជន៍ប្រហែល ៧៥០លានដុល្លារនៅឆ្នាំនេះ។ ទោះជាយ៉ាងណា ដូចគ្នានេះដែរ ប្រទេសកម្ពុជាស្ថិតនៅក្នុងតំបន់មានការប្រកួតប្រជែងខ្លាំង ហើយប្រទេសនេះ ត្រូវប្រឹងប្រែងកែលម្អបរិយាកាសវិនិយោគ ដើម្បី ទាក់ទាញវិនិយោគិនធំៗ។ តើអ្វីជាអនុសាសន៍របស់លោកសម្រាប់កម្ពុជាដើម្បីទាក់ទាញ FDI? ការថែរក្សាបរិស្ថានម៉ាក្រូសេដ្ឋកិច្ច ឲ្យមានស្ថិរភាពការកែលម្អហេដ្ឋារចនាសម្ព័ន្ធរូបវ័ន្ត ដូចជា [...]
លោកនាយករដ្ឋមន្ត្រី ហ៊ុន សែន ក៏បានបង្ហាញការមិនយល់ស្របជាមួយស្ថាប័នរូបិយវត្ថុអន្តរជាតិ IMF និងធនាគារពិភពលោក លើការព្យាករណ៍កំណើនសេដ្ឋកិច្ចរបស់ប្រទេសកម្ពុជាសម្រាប់ឆ្នាំ២០០៩ និងឆ្នាំ២០១០។ នៅក្នុងសុន្ទរកថាចំៗមួយ កាលពីថ្ងៃអង្គារម្សិលមិញ នៅរាជធានីភ្នំពេញ លោកនាយករដ្ឋមន្ត្រី ហ៊ុន សែន បានលើកឡើងអំពីវិធានការជាច្រើនសំដៅលើកកម្ពស់វិស័យឯកជននៅ កម្ពុជា។ មន្ត្រីរដ្ឋាភិបាល សមាជិកសហគមន៍អាជីវកម្មនាំមុខ នៅកម្ពុជាចំនួនប្រហែល ៥០០ នាក់បានមកជួបជុំគ្នា នៅក្រុមប្រឹក្សាអភិវឌ្ឍន៍កម្ពុជា (CDC) ដើម្បីចូលរួមក្នុងវេទិការដ្ឋាភិបាល-វិស័យឯកជនលើកទី១៥ ក្រោមអធិបតេយ្យភាពលោកនាយករដ្ឋមន្ត្រី។ ទោះបីជាមានជំងឺក៏ដោយ លោក ហ៊ុន សែន បានយកឱកាសនេះឆ្លើយតបទៅនឹងការលើកឡើងអំពីគោលនយោបាយ នៅក្នុងវេទិកាវិស័យឯកជន ដែលតែងតែពិភាក្សាអំពីបញ្ហាជាច្រើនប្រឈមមុខនឹងអាជីវកម្មនានា ដូចជា វិស័យកសិកម្ម ទេសចរណ៍ ពន្ធដារ និងអភិបាលកិច្ច ការដឹកជញ្ជូនថាមពល និងការនាំចេញ។ ក្នុងចំណោមគោលនយោបាយសំខាន់ៗ ដែលផ្ដល់អនុសាសន៍ដោយលោកនាយករដ្ឋមន្ត្រី គឺរួមមានការធ្វើកំណែទម្រង់នីតិវិធីនៃការនាំចេញស្រូវ ការលុបបំបាត់កុងត្រូលជជុះ និងការសម្រួលប្រព័ន្ធផ្ដល់អាជ្ញាប័ណ្ណធ្វើអាជីវកម្ម។ លោកបានកំណត់កាលបរិច្ឆេទផុតកំណត់សម្រាប់ការធ្វើរបាយការណ៍សំខាន់ៗ របស់រដ្ឋាភិបាលបញ្ជាក់អំពីទស្សនៈរបស់លោក ទាក់ទងនឹងបញ្ហាមួយចំនួនដូចជា អំពើពុករលួយជុំវិញរឿងរបស់ក្រុមហ៊ុន BHP Billiton និងការធ្វើកំណែទម្រង់ក្នុងក្រសួង។ លោកនាយករដ្ឋមន្ត្រីក៏បានឆ្លៀតឱកាសនេះដើម្បីពន្យល់អំពីទស្សនៈរបស់ លោក ទាក់ទងនឹងសេដ្ឋកិច្ចកម្ពុជា ដោយវាយប្រហារទៅលើ [...]
លោក ជា ចាន់តូ ទេសាភិបាលធនាគារជាតិនៃកម្ពុជា ចង្អុលបង្ហាញប្រាក់រៀលដល់អ្នកយកព័ត៌មានភ្នំពេញប៉ុស្ដិ៍ ដែលតាំងក្នុងការិយាល័យធ្វើការរបស់លោក។ (រូបថត៖ វ៉ាន់ឌី រតនា)អគ្គនាយក រងធនាគារជាតិនៃកម្ពុជា លោកស្រី ងួន សុខា មានប្រសាសន៍នៅក្នុងសន្និសីទហិរញ្ញវត្ថុថ្នាក់តំបន់ដែលបានបញ្ចប់ ទៅ កាលពីថ្ងៃសៅរ៍ នៅខេត្តសៀមរាបបានឲ្យដឹងថា ការពង្រឹងការគ្រប់គ្រងវិស័យធនាគារ និងការលើកស្ទួយប្រាក់រៀល ជាអាទិភាពចម្បងរបស់ធនាគារជាតិសម្រាប់ឆ្នាំ២០១០។ លោកស្រី ងួន សុខា បានប្រាប់កាសែតភ្នំពេញប៉ុស្ដិ៍ នៅឯសន្និសីទទេសាភិបាលធនាគារកណ្ដាលប្រចាំឆ្នាំរបស់អាស៊ានថា បន្ទាប់ពីការធ្លាក់ក្នុងវិបត្តិអស់រយៈពេលមួយឆ្នាំក្នុង ឆ្នាំ២០០៩ ដែលចាប់ផ្ដើមឡើងដោយសារភាពចង្អៀតនៃកម្ចីរយៈពេលខ្លី និងការកើនឡើងនៃកម្ចីមិនដំណើរការ។ លោកស្រីបន្តថា ទោះជាយ៉ាងណា កម្ពុជាទទួលបានប្រយោជន៍ពីទីតាំងភូមិសាស្ត្រដែលមានអំណោយផលរបស់ ខ្លួននៅក្នុងតំបន់ ដែលបានស្ទុះងើបយ៉ាងលឿនចេញពីវិបត្តិសេដ្ឋកិច្ច ដែលកើតមានក្រោយការដួលរលំធនាគារ Lehman Brothers។ លោកស្រីបានបញ្ជាក់ថា “យើងសង្ឃឹមថា នឹងបង្កើនពាណិជ្ជកម្មថ្នាក់តំបន់ និងការកែប្រែសេដ្ឋកិច្ចនៅឆ្នាំ២០១០ ហើយសង្ឃឹមថា មានកំណើនវិជ្ជមានតូចណាស់នៅឆ្នាំ២០១០។ ទស្សនវិស័យរយៈមធ្យមមានភាពវិជ្ជមាន”។ លោកស្រីបានបន្តថា សេដ្ឋកិច្ចរបស់កម្ពុជាក៏ស្ថិតនៅក្នុងដំណើរការល្អផងដែរ ដោយសារតែការកើនឡើងទ្រព្យខណៈវិស័យអចលនទ្រព្យបានគេចផុតពីការ ធ្លាក់ទៅក្នុងការរីកហើម អចលនទ្រព្យយ៉ាងធំដែលបានរុកគួនដល់ប្រទេសជាច្រើនទៀតក្នុងអំឡុង ពេលវិបត្តិសកល។ លោក គាត ឈន់ រដ្ឋមន្ត្រីសេដ្ឋកិច្ចនិងហិរញ្ញវត្ថុ មានប្រសាសន៍កាលពីខែមុនថា [...]
ក្រសួងសេដ្ឋកិច្ច និងហិរញ្ញវត្ថុបានឲ្យដឹងថា សាច់ប្រាក់នៅសល់ក្នុងប្រព័ន្ធធនាគារកម្ពុជា បានកើនរហូតដល់ទៅ៩០០លានដុល្លារអាមេរិក ដោយសារតែធនាគារភាគច្រើន ស្ទាក់ស្ទើរក្នុងការផ្ដល់ប្រាក់កម្ចី ក្នុងអំឡុងពេលដែលពិភពលោកបានប្រឈមនឹងវិបត្តិហិរញ្ញវត្ថុ។
ក្នុងសិក្ខាសាលាស្ដីពីការលើកកម្ពស់គុណភាពឥណទាន ដែលរៀបចំឡើង កាលពីថ្ងៃព្រហស្បតិ៍សប្ដាហ៍មុន លោក គាត ឈន់ បានមានប្រសាសន៍ថា ធនាគារពាណិជ្ជមួយចំនួន និងស្ថាប័នហិរញ្ញវត្ថុផ្សេងៗទៀតមានភាពស្ទាក់ស្ទើរក្នុងការផ្ដល់ ប្រាក់កម្ចីរយៈពេលវែងដល់អតិថិជនរបស់ខ្លួន ក្នុងអំឡុងពេល [...]
